Die kompetisie is in 1974 ingestel om uitnemendheid in finansiële joernalistiek te bekroon.  Dit gee erkenning aan die onontbeerlike rol van die finansiële joernalis in die moderne sakelewe en vir die hoë standaarde wat aan die beroep gestel word – veral integriteit, kennis en insig, verantwoordelikheid en oordeel.

Die kompetisie is oop vir bona fide-joernaliste in Suid-Afrika wat in die heeltydse diens van enige mediagroep is of vir hul bestaan oorwegend van vryskutjoernalistiek afhanklik is.

Enige gedrukte berig/artikel of radio- of televisieprogram/-insetsel of materiaal wat deur middel van "podcasting" of RSS-voere of webnuusblaaie en elektroniese nuusdienste soos Sapa en Reuters versprei is, kan ingeskryf word, mits

• dit van finansiële of ekonomiese aard is en deur die gespesifiseerde afdelings gedek word; en
• in Suid-Afrika gepubliseer, uitgesaai of versprei is, behalwe in die afdeling vir lede van die Foreign Correspondents' Association.

Die kompetisie dek die betrokke kalenderjaar en word gewoonlik telkens in November van stapel gestuur.  Die sluitingsdatum is dan aan die einde van Januarie en die prysuitdeling in Mei in Johannesburg.

Tensy Sanlam anders besluit, is reiskoste na die prysuitdeling en akkommodasie vir die gaste se eie rekening.

Kontakbesonderhede André Coetzee Tel: (021) 947-2567 / 083 709 7065 E-pos: andre.coetzee@sanlam.co.za Frans van Rensburg Tel: (021) 947-4893 / 082 805 9245 E-pos: frans.vanrensburg@sanlam.co.za	Sanlam Finansiële Joernalis van die Jaar vir 2007
	Bruce Whitfield vanTalk Radio 702, 567 CapeTalk, Summit TV en Finweek by die prysuitdeling in Sandton op 15 Mei 2008.